Gwamnan Jihar Sokoto, Ahmed Aliyu, ya amince da ƙara kuɗin alawus ɗin da ake bai wa matasa masu yi wa ƙasa hidima NYSC daga naira 10,000 zuwa naira 20,000 a kowane wata.
Wannan ƙarin ya ninka kuɗin da matasan ke karɓa a baya, inda ake sa ran zai taimaka wajen rage musu matsin tattalin arziki a lokacin gudanar da shirin yi wa ƙasa hidima a jihar.
Matakin ya zo ne a daidai lokacin da matasa masu yi wa ƙasa hidima ke fuskantar ƙalubalen tsadar rayuwa da sauran buƙatun yau da kullum.
