Jam’iyyar ADC na kokarin jawo tsohon dan takarar gwamnan Kano, Nasiru Gawuna, domin ya tsaya takarar gwamna a karkashinta a zaben 2027.
Majiyoyi sun bayyana cewa ana ci gaba da tattaunawa tsakanin shugabannin jam’iyyar da makusantan Gawuna, inda aka ce an yi masa tayin tikitin gwamna tare da alkawarin samun cikakken goyon bayan yakin neman zabe.
Rahotanni sun kuma nuna cewa wasu daga cikin magoya bayansa za su iya samun tikitin takarar kujerun majalisar dokokin jihar da ta tarayya idan har ya amince da shiga jam’iyyar.
Duk da cewa Gawuna ya sha bayyana biyayyarsa ga tafiyar Kwankwasiyya, ana rade-radin cewa ADC na ci gaba da matsa masa lamba domin ya sauya sheka kafin zaben 2027.
