Shugaban Somaliland, Abdirahman Mohamed Abdullahi, ya isa birnin Kudus a ranar Lahadi da ta gabata domin gudanar da ziyarar aiki ta farko da wani shugaban yankin ya taɓa yi, watanni shida bayan Isra’ila ta zama ƙasa ta farko da ta amince da ‘yancin kai na yankin daga Somaliya.
An rattaba hannu kan yarjejeniyar haɗin gwiwa ta dabarun tsaro, tare da jerin tarurruka da suka nuna burin ɓangarorin biyu na mayar da amincewar diflomasiyya zuwa cikakkiyar haɗin gwiwa da ta haɗa da tsaro, kasuwanci da dabarun yankin.
Ga Somaliland, wannan alaƙa mataki ne mai muhimmanci zuwa samun cikakkiyar amincewa daga ƙasashen duniya.
Ga Isra’ila, wadda ta shafe shekaru biyu tana musayar hare-hare da ƙungiyar Houthi ta Yemen tare da fuskantar tangarɗar jigilar jiragen ruwa a Bahar Maliya, yankin da Somaliland ke ciki ya ƙara zama mai muhimmanci ta fuskar dabarun tsaro.
