Shugaban rukunin kamfanonin Dangote, Aliko Dangote, ya bayyana cewa shirin sayar da hannun jarin matatar man Dangote ga jama’a (IPO) bai samu nasarar jawo masu zuba jari miliyan 10 da kamfanin ke buri ba.
Jaridar Daily Trust ta ruwaito cewa Dangote ne ya bayyana hakan, inda ya ce shirin bai kai adadin masu zuba jarin da ake fata ba.
Sai dai hamshakin attajirin ya danganta rashin cimma wannan buri da ƙarancin lokacin da aka ware wa shirin, tare da matsalolin da wasu masu sha’awar sayen hannun jarin suka fuskanta wajen samun damar shiga shirin.
Duk da haka, bai bayyana a cikin bayanin da aka bayar a nan ainihin adadin mutanen da suka yi nasarar shiga shirin ba.
