Shugaban Hukumar Korafe-korafe da Yaƙi da Cin Hanci da Rashawa ta Jihar Kano (PCACC), Saidu Yahaya, ya yi murabus daga muƙaminsa.
Majiyar SolaceBase ta ce Yahaya ya miƙa takardar murabus ɗinsa ne a ranar Talata.
Murabus ɗin nasa ya biyo bayan matsin lamba daga gwamnatin Jihar Kano kan zargin cewa ya gaza sauke nauyin da ake sa ran zai yi a matsayin shugaban hukumar.
An naɗa Yahaya a matsayin shugaban PCACC a watan Agustan 2025, bayan kammala wa’adin tsohon shugaban hukumar, Muhuyi Magaji Rimin Gado.
Majalisar Dokokin Jihar Kano ce ta amince da naɗinsa na tsawon shekaru biyar.
A baya-bayan nan, Gwamna Abba Kabir Yusuf ya fito fili ya soki shugaban hukumar, inda ya bayyana rashin gamsuwarsa da yadda yake gudanar da ayyukansa a matsayin shugaban hukumar yaƙi da cin hanci.
Ana sa ran Sakatariyar Shari’a ta hukumar, Hafsat Kutama, za ta fara aiki a matsayin mukaddashiyar shugabar hukumar daga yau, Laraba.
