Rahotanni sun nuna cewa mayaƙan ƙungiyar ISWAP sun yi ƙoƙarin kai hari kan wani sansanin sojoji, sai dai dakarun sojin Najeriya sun yi gaggawar mayar da martani, lamarin da ya tilasta wa maharan tserewa bayan sun yi asara mai yawa.
Bayanan farko sun ce sojojin sun kashe mayaƙan ISWAP shida, yayin da wasu bakwai suka samu munanan raunuka a musayar wutar da aka yi.
Hukumomin tsaro sun bayyana cewa ana ci gaba da gudanar da bincike da sintiri a yankin domin tabbatar da cewa sauran mayaƙan ba su sake yunƙurin kai wani hari ba.
