Kungiyar Manoman Cocoa da Ayaba ta Najeriya (CPFAN) ta yi kira ga gwamnatin tarayya da gwamnatocin jihohi da su ƙara ƙaimi wajen samar da tsaro a yankunan noma domin kare manoma daga hare-haren masu aikata laifuka.
Kungiyar ta bayyana cewa rashin tsaro na ci gaba da kawo cikas ga ayyukan noma a sassa daban-daban na ƙasar, lamarin da ke rage yawan amfanin gona.
Ta jaddada cewa ba za a iya cimma burin wadatar abinci a Najeriya ba sai idan an samar da ingantaccen tsaro ga manoma da gonakinsu.
