Tsohon gwamnan jihar Kano kuma jagoran Kwankwasiyya, Sanata Rabi’u Musa Kwankwaso, ya gana da tsohon mataimakin shugaban ƙasa, Atiku Abubakar, gabanin hasashen sauya sheƙar Kwankwaso zuwa jam’iyyar ADC.
A wani saƙo da ya wallafa, Atiku ya ce: “Yau da yamma na karɓi bakuncin tsohon gwamnan jihar Kano kuma ɗan takarar shugaban ƙasa na NNPP, Rabi’u Musa Kwankwaso, a wata ziyarar girmamawa.
Mun yi tattaunawa mai zurfi kan halin da ƙasa ke ciki.”
Ganawar na zuwa ne a daidai lokacin da ake rade-radin sauya sheƙar Kwankwaso zuwa jam’iyyar ADC.
