Gwamnatin China ta sanar a ranar Juma’a 13 ga watan Maris, 2026 cewa za ta ba da tallafin kudi ga Iran.
Kasar China ta bayyana cewa za ta bayar da tallafin $200,000 ga iyalan daliban da aka kashe a harin makami kan wata makaranta a Iran.
Beijing ta bayyana harin a matsayin wanda aka kai ba tare da tantancewa ba, yana mai cewa ya faru ne a farkon rikicin da ya barke a Gabas ta Tsakiya, cewar Al Jazeera.
Gwamnatin Iran ta zargi Amurka da Isra’ila da kai harin makamin da ya afkawa makarantar da ke kudancin kasar a ranar farkon yakin.
Rahotannin kafafen yada labarai na Iran sun ce an gudanar da jana’izar akalla mutane 165 da suka mutu a harin, daga ciki har da yara
Sai dai har yanzu ba a tabbatar da adadin wadanda suka mutu ba ta wata hanya mai zaman kanta.
