Wani Jirgin rundunar sojin Amurka ya gamu da hatsari a cikin ƙasar Iraƙi, kamar yadda rundunar sojin Amurka ta tabbatar da faruwar lamarin.
Jirgin sojin na KC-135 ya faɗo ne bayan wani hatsarin da ya shafi wasu jirage biyu.
Rundunar sojin Amurka ta ce “ana ci gaba da aikin ceto” a yammacin Iraƙi – abin da sojoji suka ce ya faru ne a “yankin da ba na maƙiya ba.”
“Lamarin dai ba a yankin da ake yaki ya faru ba ko kuma musayar wuta,” in ji sanarwar.
Jirgi na biyu da lamarin ya shafa ya sauka lafiya, kamar yadda sanarwar ta bayyana.
