FIFA ta ce ta ba Trump wannan lambar yabo ne sanadiyyar rawar da ya taka wajen tabbatar da zaman lafiya a duniya.
An bai wa Trump lambar yabon mai launin zinare, hannuwa riƙe da duniya a sama.
An dai gudanar da bikin raba jaddawalin gasar cin kofin ƙwallon ƙafa ta duniya a cibiyar John F Kennedy da ke birnin Washington na ƙasar Amurka.
Yayin da ya rage saura ƙasa da kwana 200 a fara gasar, kowace ƙasa ta zura ido ta ga ƙasashen da za ta kara da su.
A wannan Karon dai ƙasashe 48 ne za su kara a gasar, a maimakon 32 da suke bugawa a baya.
Za a samu rukuni 12, kowane ƙunshe da ƙasashe hudu.
