Rahotanni sun bayyana cewa wasu ‘yan bindiga sun kakabawa kauyuka uku a karamar hukumar Bungudu ta Zamfara harajin miliyoyi.
Majiyoyi sun tabbatar da cewa maharan sun kakabawa kauyukan uku kudi har Naira miliyan shida ajihar da ke Arewa maso Yamma.
Rahoton Zagazola Makama ya bayyana cewa kauyukan da abin ya shafa sun hada da Gidan Saro, Maje da Fanda Haki da ke yankin Kekun Waje.
Wannan ba shi ne karon farko da mahara ke kakaba wa mazauna yankuna a Arewacin Najeriya haraji ba na makudan kudi.
