Mai Alfarma Sarkin Musulmi, Alhaji Muhammad Sa’ad Abubakar, ya ayyana Juma’a, 14 ga Agusta 2026, a matsayin ranar farko ta watan Rabi’ul Auwal 1448H a Najeriya.
Wazirin Sokoto, Farfesa Sambo Wali Junaidu, ne ya bayyana hakan cikin sanarwar da ya fitar ranar Alhamis, 13 ga Agusta.
A cewar sanarwar, Kwamitin Ba da Shawara kan Harkokin Addini da Kwamitin Duban Wata na Majalisar Sarkin Musulmi sun samu rahotannin ganin jinjirin watan Rabi’ul Auwal daga sassa daban-daban na Najeriya.
Rahotannin ganin watan sun zo ne a ranar Alhamis, wadda ta yi daidai da 29 ga Safar 1448H.
Bayan tabbatar da rahotannin, Sarkin Musulmi ya amince da su tare da ayyana Juma’a 14 ga Agusta a matsayin 1 ga Rabi’ul Auwal 1448H.
