Dakarun haɗin gwiwa na Operation FANSAN YAMMA sun samu nasarar ceto mutum uku da aka yi garkuwa da su yayin wasu samame da suka kai a jihohin Kaduna da Zamfara.
Rahotanni sun bayyana cewa dakarun sun kuma dakile wasu yunƙurin hare-haren da ’yan bindiga suka shirya a yankunan biyu, lamarin da ya hana maharan cimma manufarsu.
An ce wannan nasara na daga cikin ci gaba da ayyukan tsaro da dakarun ke gudanarwa domin murƙushe ayyukan ’yan bindiga da kuma tabbatar da zaman lafiya a yankin Arewa maso Yammacin Nijeriya.
Jami’an tsaro sun tabbatar da cewa suna ci gaba da gudanar da sintiri da hare-haren musamman domin ceto sauran waɗanda ke hannun masu garkuwa da mutane tare da daƙile ayyukan masu aikata laifuka.
