Babban Sufeton ‘Yan Sandan Najeriya ya naɗa CSP Anietie Okokon Edem Iniedu a matsayin sabon Kakakin Rundunar ‘Yan Sanda ta Kasa.
Kafin wannan naɗin, CSP Anietie Iniedu ya kasance Shugaban Sashen Karɓar Korafe-korafe a Hedikwatar Rundunar da ke Abuja, inda ya jagoranci ayyukan karɓar ƙorafe-ƙorafen jama’a tare da ƙoƙarin ƙarfafa gaskiya da amincewar al’umma ga rundunar.
Haka kuma, ya yi aiki a sassa daban-daban na rundunar ‘yan sanda, ciki har da jihohin Yobe da Abia, inda ya riƙe muƙamai daban-daban a fannonin gudanar da ayyukan tsaro da tabbatar da doka.
