Rikicin Gabas ta Tsakiya ya kawo cikas ga jigilar mai daga ƙasashen yankin Gulf, wanda ya haifar da ƙarancin man fetur a kasuwannin duniya, tare da tilasta wa ƙasashen da ke dogaro da shigo da mai neman hanyoyi daban-daban.
Wannan ya sa ƙasashen Afirka da dama ke kallon matatar Dangote a matsayin mafita domin samar da man fetur a cikin nahiyar maimakon dogaro da waje.
Rahotanni sun nuna cewa wannan sauyi zai iya ƙara gasa tsakanin ƙasashen Afirka wajen sayen mai daga matatar, tare da yiwuwar ƙara kuɗaɗen shiga ga Dangote. Sai dai masana sun gargadi cewa duk da haka, matatar ba za ta iya cike gibin man gaba ɗaya a nahiyar ba, musamman idan rikicin Gabas ta Tsakiya ya ci gaba na dogon lokaci.
