Shugaban ƙasa, Bola Tinubu ya bayyana cewa gwamnonin da ke ƙarƙashin jam’iyyar APC su ne jagororin jam’iyyar a jihohinsu daban-daban.
Tinubu ya bayyana hakan ne a ranar Asabar yayin taron karɓar Gwamna Agbu Kefas a hukumance zuwa APC da aka gudanar a Jalingo.
Da yake wakiltar Shugaban Ƙasa, Mataimakin Shugaban Ƙasa, Sanata Kashim Shettima, Tinubu ya sanar da cewa Gwamna Kefas ya karɓi ragamar jagorancin jam’iyyar APC a Jihar Taraba sakamakon ficewarsa daga jam’iyyar PDP zuwa APC.
