Fitaccen malamin addinin Musulunci, Ahmad Abubakar Gumi, ya bayyana ra’ayinsa kan muhawarar da ake yi game da ko ya dace malamai su shiga siyasa ko kuma su tsaya kan wa’azi da karantarwa.
Sheikh Gumi ya ce a ganinsa, shigar malamai cikin harkokin siyasa ya fi anfani fiye da zama a gefe suna yi wa ‘yan siyasa addu’a kawai.
A cewarsa, idan malamai suka shiga siyasa kai tsaye, za su samu damar bayar da gudummawa wajen tsara manufofi da yanke shawarar da za su amfani al’umma, maimakon takaita rawarsu ga ba da shawarwari da addu’o’i daga waje.
