Gwamnan Kano Abba Kabir Yusuf ya aike da saƙon taya murna ga Shugaban ƙasa Bola Ahmed Tinubu bisa zagayowar ranar haihuwarsa ta shekaru 74.
Hakan na ƙunshe ne cikin wata sanarwa da mai magana da yawun gwamnan, Sunusi Bature Dawakin Tofa, ya sanya wa hannu.
Gwamnan ya bayyana ranar haihuwar Shugaban a matsayin wata dama ta yabawa shugabancin sa, jajircewarsa da kuma ƙoƙarinsa wajen hidimtawa ƙasa.
Gwamnan ya kuma yaba da irin hangen nesa da ƙoƙarin da shugaban ƙasar yake dashi musamman a fannin ƙarfafa haɗin kan Najeriya, zaman lafiya da ci gaban tattalin arziki.
Daga bisani gwamna Abba na yabawa manufofin gwamnatin ta shugaba Tinubu na Renewed Hope Agenda wanda ke da manufar ci gaba da ƙarfafa gwiwar ‘yan Najeriya.
