Sanata Rabiu Musa Kwankwaso ya miƙa wa Jagoran Jam’iyyar NDC na Ƙasa, Sanata Seriake Dickson, rahoton kammala aikin sulhu da daidaita ’yan takarar jam’iyyar a jihohi 19 na Arewacin Najeriya da Abuja.
A cewar wani saƙo da mai taimaka wa Kwankwaso kan harkokin yaɗa labarai, Saifullahi Hassan, aikin sulhun ya kammala ne a yau Alhamis, 20 ga Agusta 2026.
Bayan kammala aikin, an miƙa rahoton tare da sunayen ’yan takarar ga Seriake Dickson domin ci gaba da ɗaukar matakan da suka dace a ƙarƙashin jam’iyyar.
Kwankwaso ya kuma yaba wa jagorancin jam’iyyar, NWC da dukkan ’yan takarar bisa haɗin kai da goyon bayan da suka bayar wajen ganin an kammala aikin cikin nasara.
