Rahotanni na nuni da cewa ana zargin rikicin ’yan daba ya yi sanadin mutuwar mutane uku a Ƙofar Nasarawa da ke tsakiyar birnin Kano.
Lamarin ya faru ne da misalin ƙarfe 2:00 na rana, inda aka ce ’yan daban sun fito kan tituna suna fafatawa da junansu da makamai, abin da ya haifar da firgici tare da dagula harkokin yau da kullum a yankin.
Majiyoyinmu sun tabbatar da aukuwar lamarin, inda suka ce jami’an ’yan sandan sun isa wurin tare da tarwatsa masu rikicin.
Har ya zuwa yanzu dai ba a fitar da cikakken bayanin hukumance ba.
