Wata kotu a Jihar Katsina ta yanke wa wata mata hukuncin kisa bayan samun ta da laifin taimaka wa ’yan bindiga wajen aikata laifuka.
Rahotanni sun ce an same ta da hannu wajen bai wa ’yan bindigar bayanai da tallafa musu a wasu ayyuka da suka shafi garkuwa da mutane da hare-hare.
Kotun ta ce shaidu da hujjojin da aka gabatar sun tabbatar da laifinta ba tare da wata shakka ba, lamarin da ya sa aka yanke mata hukuncin kisa bisa tanadin doka.
Hukuncin na zuwa ne yayin da hukumomi ke ƙara matsa lamba kan masu taimaka wa ƙungiyoyin masu aikata laifuka a yankunan da ke fama da matsalar rashin tsaro.
