Ƙungiyar gwamnonin Arewacin Najeriya ta yi Alla-wadai da kashe-kashen mutane a jihohin Katsina, Kwara da kuma Benue, inda suka kwatanta hakan a matsayin rashin imani kuma cin mutunci ga ƙasa.
Hakan na zuwa ne bayan munanan hare-haren da aka kai karamar hukumar Kaiama na jihar Kwara, inda waɗanda ake kyautata zaton ƴan bindiga ne suka kutsa jihar ranar Talata tare da kashe sama da mutum 100.
Sai dai kuma harin karamar hukumar Faskari a jihar Katsina wanda ya hallaka aƙalla mutum 20, sai kuma wani hari na daban a karamar hukumar Kwande na jihar Benue da ya janyo mutuwar mutane da dama.
