Kwamitin Majalisar Wakilan Najeriya ya ba da shawarar kafa kotu ta musamman domin saurara da kuma yanke hukunci cikin gaggawa kan shari’o’in da suka shafi satar ɗanyen mai.
A cewar rahoton jaridar Punch, kwamitin ya bayyana cewa kafa irin wannan kotu zai taimaka wajen dakile satar ɗanyen mai da sauran ayyukan da ke yi wa tattalin arzikin Najeriya zagon ƙasa.
Har ila yau, kwamitin ya ce matakin zai taimaka wajen ƙara kuɗaɗen shiga na gwamnati tare da inganta yaki da masu hannu a wannan haramtacciyar sana’a.
