Fitaccen malamin addinin Musulunci, Sheikh Ahmad Abubakar Gumi, ya sake tayar da muhawara kan rashin tsaro, inda ya yi zargin cewa wasu ƙasashen waje masu ƙarfi na da hannu a ta’addanci a Najeriya.
Ya yi nuni da cewa matsalar da ta ragu a Abuja,Kaduna da Birnin Gwari ta sake ɓullowa a wasu wurare, abin da ke nuna akwai lauje cikin nadi.
Malamin ya ce kabilanci ya shiga matsalar tsaro, abin ya ce yana bukatar kulawa ta musamman daga gwamnatin tarayyar Najeriya
Gumi ya ce kafin wannan sabon tashin hankalin, alamu sun nuna cewa tsaro na inganta musamman a babban titin Abuja zuwa Kaduna.
