Gwamnan Jihar Kano, Abba Kabir Yusuf, ya miƙa sunayen mutane shida ga Majalisar Dokokin Jihar domin tantancewa da amincewa da naɗinsu a matsayin kwamishinoni a gwamnatin jihar.
Kakakin Majalisar Dokokin Jihar Kano, Hon. Jibril Isma’ila Falgore, ne ya karanta sunayen waɗanda aka zaɓa a yayin zaman majalisar na ranar Laraba, 21 ga Oktoba, 2026.
Sunayen waɗanda aka miƙa sun haɗa da Hon. Ibrahim Namadi Dala, Hon. Muktar Ishaq Yakasai, da Hon. Sani Lawan Manunfashi.
Sauran sunayen su ne Hon. Aminu Ibrahim Tsanyawa, Hon. Idris Garba Mustapha, da Hon. Salisu Yashau Soja.
Waɗanda aka zaɓa za su bi matakan tantancewa da Majalisar Dokokin Jihar ta tanada kafin a tabbatar da naɗinsu a matsayin kwamishinoni.
Idan majalisar ta amince da naɗin nasu, za su shiga cikin gwamnatin jihar domin gudanar da ayyukan da za a ɗora musu.
