Jagoran Kwankwasiyya kuma tsohon gwamnan Jihar Kano, Sanata Rabiu Musa Kwankwaso, ya tabbatar da cewa ya cimma yarjejeniya a rubuce da Peter Obi kan takarar shugaban ƙasa a zaɓen 2027.
Rahotanni sun ce yarjejeniyar ta tanadi cewa idan suka yi nasara a zaɓen, Peter Obi zai yi wa’adi guda ɗaya ne kacal, domin bai wa yankin Arewa damar karɓar mulki bayan kammala shekaru huɗu.
An ce an cimma wannan matsaya ne a matsayin wani ɓangare na shirye-shiryen haɗin gwiwa da daidaita tsarin rabon mulki tsakanin yankunan ƙasar.
