Gwamnatin Jihar Oyo ta musanta rahotannin da ke ikirarin cewa ta biya kuɗin fansa domin ganin an sako daliban jihar da aka yi garkuwa da su.
Gwamnatin ta bayyana cewa rahotannin ba su da tushe balle makama, tana mai jaddada cewa ba ta biya ko sisin kwabo ba wajen tabbatar da sakin daliban.
Ta kuma bukaci al’umma da su yi watsi da irin waɗannan jita-jita, tana mai cewa jami’an tsaro da hukumomin da abin ya shafa ne suka yi aiki domin tabbatar da sakin daliban cikin nasara.
