Rundunar ‘yan sanda ta kama wani matashi mai suna Idrisu Musa mai shekaru 25, bisa zargin kashe ɗan uwansa, Muhammed Haruna, tare da matarsa Habiba a ƙauyen Asarara da ke yankin Kimba a ƙaramar hukumar Jega ta jihar Kebbi State.
A cewar sanarwar ‘yan sanda, wanda ake zargin ya kai wa ma’auratan hari da adda bayan ya sha yi musu barazana a lokuta daban-daban kafin aukuwar lamarin.
Jami’in hulɗa da jama’a na rundunar ‘yan sandan jihar, SP Bashir Usman, ya ce kwamishinan ‘yan sandan jihar, Umar M. Hadejia, ya bayar da umarnin miƙa lamarin zuwa sashen binciken manyan laifuka na jihar, SCID domin ci gaba da bincike.
